مامۆستایونس حسه‌ینی

حیله‌ی ....

 

پشت له باران

   شان له خۆر

       رو له تریفه

 ته رێقه‌تێ نوێ دا ئه‌ده م...!

گرێ چنی باڵای خۆم و زه‌مه‌نه‌ت ئه‌که‌م

    تا بتروکێنی ته‌مه‌نم و

                          ئه گریجه‌ی شێعراویت با وه‌شێنی حه‌سره‌تم کا...!!

   خانمی به‌ر په‌نجه‌ره ..

   منی نه‌گریس

                  چۆله‌که پۆشی هه‌یوانت و

                           جوغرافیای خه‌ونه‌کان و

                            پێده‌شتی ته‌ی نه‌کراوم .

        له هه‌نارا وه‌یلانت و

                         درێژه‌م له سێوا ده‌ده‌ی!!!!!!

۰موتاوی۰ ئه‌و ته‌مه‌نه‌مه‌م

                              حیله‌ی نگای هه‌ر مل ئه‌نێ و

                رو له قیبله‌ی ئه‌رخه‌وان 

                           شروڤه‌ی خه‌ونه‌کان ئه‌کا و

  یه‌که‌م ئایه‌تی هه‌ناسه‌ی هه‌ڵم ئه‌گرێ و

                  ئاوێنه‌که‌م فرێ ئه‌دا ....

                   تا ته‌عبیری کرچ بوونه‌وه....

خانمی به‌ر په‌نجه‌ره .....

                 ئاسمانت ته‌قه‌ڵ چنی فرینم که

                                   با جاڕ بدرێ یه‌که‌م کتێبی پیروزت...

ـــــــــــــــــــــــــــــــــــــــــــــــــــــــــــــــــــــ

موتاو :ئه و هه‌ودا باریک و ناسکه‌یه  ژنان به‌ته‌شی  ده‌ی رێسن ،بۆ به‌رماڵ و

رانک وچۆخه‌ی پیاوان...به‌کاری ده‌به‌ن

هه ژان بابامیری

باسک

دووجۆبارن

باسكت.

.

.

.

 بمكه به ئيقيانووس!

شێعری عه‌لی حسه‌ینی

په‌لاکی سفر

هه‌تا بڵێی حه‌زم له‌ په‌پووله‌ بوونته‌ و

شه‌وانه‌ به‌ قه‌د فرمێسکێ تۆ له‌ منی و

جوان نازانم له‌ دڵۆپی چه‌نده‌مام

به‌س ده‌زانم

دوو فرمێسک سه‌رتر بارانم

له‌ سه‌ره‌تای شه‌وی هه‌ناره‌که‌وه‌

من و چه‌ن مچوڕکی نامۆ

کووچه‌ی سێهه‌می شه‌هوه‌تم

هه‌ر جمه‌ی دێ و

له‌ بناگوێی به‌رده‌بارانا

بڵێی هه‌موو ڕووت بوونه‌وه‌کانت سوور که‌م؟

یونس حسینی

بم خه سه‌ر گۆ  

تۆم ته‌واو کرد

             ده‌ستم پێکه

تا به‌خشه‌نده‌یی سێوێک

                         سه‌رگه‌ردانیم بخه باڵات

          په‌ل به په‌لم بخه سه‌ر گۆ !

وتت باران

          رووباره‌کان سه‌ریان هه‌ڵدا

بڵێ رێبوار

            با رێگاکان زه‌لیلانه خۆ راخه‌ن به سه‌ر زه‌وی دا !

من فه‌رمان که

چاوم کۆتایی داهات

به‌ خه‌رمانه‌ی گۆناتا

                      هه‌ر خۆڵ و پێخاوسیم کۆ که‌مه‌وه

خۆت یه‌کلا و

 من چه‌ن لا بکه‌ره‌وه !!

ئاو بڵێ

تا په‌نجه و لێوم گوڵ بگرێ

تؤم ته‌واو و

              هه‌ر هیلاکم له رێبوارا...
    پا به‌ من به‌

 سوور بم شێله

زۆر له‌م به‌هاره ئه‌ترسم

له له‌عنه‌ت ترین چرکه‌ما

                         ره‌گ به ره‌گم

                         به‌ره و خۆت که

                       تا تریفه‌ت له هه‌ڵچوونما !

تو شۆره‌بی و من رووبار

       فه‌ڕز کراوی وتنتم

                          به جێم بێنه!!!

شێعری عه‌لی حسه‌ینی

 

یه‌که‌مین به‌یانی

له‌ یه‌که‌م مه‌یدانی جه‌نگی

نێوان هه‌نگاو و زه‌ویدا

تۆ ئه‌تزانی

هه‌نگاونانم تاوانێکه‌ بۆ  ڕێ بڕین.

له‌گه‌ڵ یه‌که‌م شۆڕشه‌کانی نێوانی گزینگ و چاو

ئه‌من هاتم بیدرکێنم زه‌رده‌خه‌نه‌ و گریانی تۆ

سه‌ریشم هه‌ر بۆ ناو لاشه‌ی یه‌که‌م ساتی چاو

پشکووتن

خه‌ونگه‌ بووم ئه‌من زۆر جار

سنووری دیتن نادیار

ئاگردانی دڵ و سینه‌یش هه‌ر ئاوه‌دان.

ئه‌مه‌ شه‌وه‌ و تیرێژی ڕه‌ش

هێرش بۆ دیتنم دێنن

ئه‌ڕۆمه‌وه‌ تا ئاهوورا و

تا له‌ دایک بوونی تیشکی نێوان

له‌پی ده‌ستی یه‌که‌مین به‌یانی.

غه‌زه‌لی مسته‌فا عه‌دنانی

     تۆران

چه‌ند شه‌وه‌ من چاوه‌رێتم بۆچ نه‌ما په‌یمانی تۆ

وای عه‌جه‌ب ده‌ردێکه‌ دووری،دوور له‌ تۆ و چاوانی تۆ

 

چاوه‌رێی زه‌نگی موباییلم،تۆ بڵێی که‌ی بێته‌ ده‌نگ

خۆشه‌ ده‌نگی تۆم له‌ گوێ بیت ،خۆم له‌ دڵ میوانی تۆ

 

جوتێ جوکه‌ وله‌رزه‌له‌رزێ هاته‌ نێو نا خی مۆباییل

یه‌ک ژماره‌ ویه‌ک په‌یامه‌، که‌وته‌ سه‌ر عنوانی تۆ

 

من په‌یامم کرده‌وه‌،لێم بووی به‌ خوشک ومن برا

به‌ڵکو پیری بێ له‌ چاوم،یا هه‌ڵه‌ی ده‌ستانی تۆ

 

هه‌ر خه‌یاڵ و خه‌ونه‌ ئێستا،وه‌ک شه‌ڕ و تۆرانه‌ لێم

من وه‌ڵامی چی به‌ڕێ که‌م،بێت به‌ هۆی گۆڕانی تۆ

 

من که‌ ده‌موێ تۆم ببێت وتۆیش که‌ بێزاری له‌ من

حه‌ز ده‌که‌م هه‌ر چا‌وه‌رێ بم،دوور له‌ تۆ و تۆرانی تۆ!

---

مه‌راق

 شێعری ماموستا یونس حسه ینی

بۆی دامه‌چۆ

ئه‌م خه‌یاڵه‌ تا باڵا و

                  سه‌وز هه‌ڵچێ

شوێنی هه‌یه‌ بۆ تۆ بیستن

که‌م به‌ربه‌ روانینت بگره‌!!

******

             زه‌ریاش عه‌تری هه‌ر لێره‌دا ون کردوه‌...

غه‌زه‌لی نوێ،مامۆستا عه‌لی حسه‌ینی

---

 

             عاله‌می سێو

له‌م تاڵی ئاره‌زوومه‌وه‌ ساماڵێ دێته‌ ده‌ر
له‌م تاو و تینی شێعر و وشه‌م سه‌وزه‌ چه‌ن ئه‌گه‌ر
شووشه‌ی نیگام که‌ مه‌رجه‌ نوقمی تۆزی رێت ببێ
زۆر غه‌دره‌ که‌ بۆ عاله‌می سێوم نه‌که‌ی سه‌فه‌ر
تا تیشکی حه‌زت ئه‌مگرێ،من شاهی حه‌سره‌تم
تا دیلی نیگای گه‌رمت ئه‌بم کاولم ئه‌ی وه‌ر
وه‌ک حه‌زره‌تی په‌پووله‌ ئه‌سووتێم له‌ ده‌وری رووت
گه‌ر بێو له‌ کاکه‌شانی ته‌ماشام بکه‌ی گوزه‌ر
قه‌ڵغانه‌ وشه‌م بۆ خه‌ده‌نگی ئه‌و دوو موژه‌ی تۆ
مانگی رووتم که‌ نییه‌،گوڵستانه‌ لێم هه‌ده‌ر
که‌لله‌ی منی په‌تیاره‌ به‌ هه‌نگاوی تۆیه‌ خۆش
ئه‌و چرکه‌ وا بزر نیت سامانێکه‌ بۆم سه‌قه‌ر
خه‌مزه‌ت چ خه‌نجه‌رێکه ناخی عاشقی بڕی!
چه‌پکێ حه‌زی ئاواره‌م و پێویسته‌ بێمه‌ به‌ر

شێعری مامۆستا یونس حسه‌ینی_سه‌قز

ره‌ش نووسه‌کانی عه‌شق/وێڵ گه‌ردییه‌ کانی با

 

ره‌ش نووسه‌کانی عه‌شق/وێڵ گه‌ردییه‌ کانی با

۱ـ قه‌برستانێ وێڵ له‌ منا

له‌ داییک بوونیش  له‌ تۆ دا

                             مه‌گه‌ر ژیان هه‌ڵمان  پێکێ به‌ یه‌کترا !!

۲ـزۆری ناماوه‌ خول خواردن

                    کێلێ بکه‌نه‌ ئاڵام و

                                         مشتێ خۆڵیش نیشتمان ؟!

۳ـ له‌م شه‌قاما ماڵێک شک ئه‌به‌م

                             راناێێت به‌ کۆتر

                             چوله‌که‌ بیانوێ به‌ جێیه‌

                             گوزه‌رکاته‌ دڵ ته‌نگیان!